Career catfishing itu ekta notun workplace trend ase juntu te job seekers khan ekta job offer accept kuri kena first day te na jaa jai, aru kunuba information bhi nadibo. Bishi manu itu unethical koi ase, but itu hiring process te dangor problem thaka bhi dikhai.
Ekta survey hisab te, career catfishing bishi Gen Z generation majote dekhibo parise, compared to older workers khan. Itu normal job-hopping nohoi, karon job-hopping te ekjon manu job join kuri kena olop time kaam kuri chari thake, hoilebi career catfishing te job start kuria age te bhi join no kure. Itu piche reason bishi ase.
Ekta main reason hoise, hiring process bishi slow aru outdated thaka. Interview process dangor hoi, recruiters khan reply kuri dibole deri kure, aru job expectations aru reality milibo na kure. Olop candidate khan interview diya piche bishi din wait kuri thake, response ahibo na ahibo bhi jane nai. Itu time majote, ulta job seekers khan alag job pai jai nahoile, interest hari jai.
Next reason hoise, ajikali manu work-life balance, mental health, aru job satisfaction bishi important ase koise. Gen Z khan stress nolobo, aru jodi job te toxic culture, bishi kom salary, nahoile promotion opportunity nai, tai khan itu job nolobo decide kuri loi. Itu anti-work movement logote bhi mila ase, juntu te job seekers khan protest kuribo karone ghost kuri thake, karon tai khan bhi interview te bishi problem face kuri ase.
Social media bhi itu trend ke normal bana thake, karon bishi manu online te job reject kuria story share kuri thake, aru toxic workplace expose kuri thake. Remote work aru online hiring process te accountability komti hoijai.
Career catfishing ethical ase na nai itu bishi discussion hoi ase. Bishi manu itu unethical koi ase, karon itu employer khan, hiring team, aru bishi job seekers khan karone problem create kure. Kunuba manu koise itu justified response ase, karon hiring process te company khan bhi bishi delay kure, hoilebi jodi sob job seekers itu kuribo start kurile job market pura problem hoi jabo. Company khan bhi job seekers ke blacklist kuri dibo, aru tai laga future job opportunity komti hoi jabo pare.
Itu trend nimite Gen Z laga reputation bhi problem te ahibo pare. Employers khan itu experience piche Gen Z ke unreliable koi dhori lobi pare, aru older generation aru younger generation majote bishi misunderstanding ahibo. Gen Z khan fair work condition nimite stand kuri ase, hoilebi career catfishing te tai laga credibility problem te ahibo aru future te job pabole difficult hoi jabo.
Itu problem solve kuribo karone, employer aru job seekers duijun bhi responsibly act kuribo lage. Company khan hiring process fast aru clear kuribo lage, timely feedback dibo lage. Job seekers khan bhi professional way te response kuribo lage, aru jodi job nolobo kuile koi dibo lage. Jodi clear communication rakhile, hiring process ethical aru smooth hoi jabo, aru ghosting problem kom hoi jabo.
Add Comment