Gender Based Violence Aru Human Right Khan Against Laga Activism Laga Khotom Kuria Laga Program Loishey, Tseminyu Tey 

December 10, 2024, 04:54 PM : Itu 16 din laga Activism Against Gender-Based Violence aru Human Rights Day khotom kuria laga programa loishey, kuntu toh hoiley joint para organize kurishey, Tseminyu administration logotey, 10^th December, 2024 tey, Tseminyu Town Hall tey para. Social Welfare laga Secretary – Martha R. Ritse, IAS para itu event ke grace kurishey, tatey special guest hisap buhi kena.

Tai para formal para ekta flower show inaugurate kurishey, aru arm wrestling aru baking competition bhi grace kurishey. Tai para tai laga speech tey, emphasize kurishey ki, kiley koiley Tseminyu toh hoiley notun district asey, itu toh hoiley thik time asey, key initiative khan establish kuriboley. 

Tai para note kurishey ki, Human Rights Day toh hoiley hudai saal observe kurey, December 10^th tey, itu United Nation laga 1948 tey adopt kuria pichetey para. Itu gender-based violence laga issue opor tey discuss kuria homoi tey, tai para point out kurishey ki, itu sob para bishi wala report kuri kena thaka case tey cybercrime aru domestic violence asey. Tai para announce kurishey ki, Tseminyu toh hoiley approval pailoishey, ekta sub-centre establish kuriboley karney, itu district tey. Eneka thakilebi, tai para stress kurishey ki, maiki aru chukri khan laga against tey violence kuria ke address kuri kena koishey, public khan bhi intervene kuriboley lagi asey koi kena, itu discrimination toh khotom kuriboley karney, society laga bhitor tey, effective para.

W. Nginyeih Konyak kun toh hoiley Nagaland State Commission asey, Women nimitey. Tai para highlight kurishey ki, itu 16 din laga activism laga homoi tey, alag alag event khan laga, discrimination aru violence laga issue khan address kuriboley, maiki khan chukri khan against tey kuria laga. Tai para note kurishey ki, gender based violence toh hoiley hudai hoi thaka laga ekta violence asey, parivar khan laga bhitor tey.

Itu program toh hoiley itu Tseminyu laga Deputy Commissioner para Rohit Singh, IAS para ekta welcome address di kena shuru kurishey. NSRLM Chunlikha RD Block laga Area Coordinator – Sonile Thyug para itu Naya Chetna 3.0 campaign introduce kurishey – ekta initiative gender based discrimination aru violence laga against tey. Social Welfare laga Additional Secretary – Bodeno S. Colo para gender-based violence opor tey insight khan provide kurishey, aru ekta roadmap offer kurishey, agey bari jaboley karney.