August 17, 2024: Itu Genesis Science Expo cum career talk loishey, 17th August, 2024 tey, Baptist Higher Secondary School, Jalukie B laga auditorium hall tey para. Itu programme toh hoiley Baptist Higher Secondary School Jalukie B. Ngurie Organic Private Limited, Sound king Nagaland aru Pumling Frames aru Lightings logotey collaborate kuri kena organize kuria laga thakishey. Itu Genesis Science Expo 2024 toh hoiley itu “Igniting Tomorrow’s innovation today” laga banner under tey organize kuria laga asey.
Genesis Science Expo 2024 laga inaugural programme toh hoiley Armstrong Pame, IAS para grace kurishey, kuntu toh hoiley Director Ministry of Information aru Broadcasting asey, tai tatey chief guest buhi kena.
Kendew Coaching Centre laga CEO – Peihauding Reunim aru Baptist higher secondary school Jalukie B laga Administrator – Pehiato para keynote address deliver kurishey. Kendeu coaching centre laga CED – Igumsing Hingleu tatey Moderator thakishey.
Rev. Heuziebe Pastor Jalukie B Baptist Church para Isor laga blessing mangi dishey, itu Isor laga kotha – Job, 28: 28 puri kena.
Itu programme laga penalist khan toh toh hoiley – Johnny Ruangmei, Joint Chief Executive Officer, NSDMA, Home Department; Noel Mathiulungbo Chawang, Scientist D. ISRO laga National Remote Sensing Centre; Hiazu Meru, Deputy Commissioner, Peren; Er. Swarai Meru, Chief Engineer PWD; Keyirangding Hegui, ADC Zunheboto; Dr. Ilang, Chief Veterinary Officer; Rev. Dr. Mongzeung Mpom, Pastor Jalukie town Local Baptist Church; Zaiyigum Zeliang, Zeliang Codetech laga Co- Founder, Nagaland laga youngest APP Developer aru Dr. Suiyipeu Mpom, Veterinary Assistant Surgeon thakishey, koishey.
Add Comment