September 19, 2025, 07:23 PM: Geology aru Mining laga Director – Dr. Kenyelo Rengma para ekta public notice issue kurishey, state kuri kena ki, sob drilling agency khan/ firm khan; manual hand-boring party khan bhi milai kena, kun khan itu Nagaland State bhitor tey operate kuri asey, tai khan toh hoiley ekta permit ulaboley lagi asey aru tai khan laga machine khan aru equipment khan register kuriboley lagi asey, itu Geology & Mining laga Directorate logotey, Nagaland laga.
Sob commercial aru industrial user khan groundwater laga, tai khan ke ekta permit ulaboley direct kurishey, groundwater extraction nimitey, itu Department para. Application form khan, itu Geology & Mining, Dimapur para collect kuriboley paribo koishey, office laga homoi tey.
Itu registration process toh hoiley, 30th November, 2025 tey nahoiley itu laga agetey para complete kuriboley paribo koishey. Itu notice toh hoiley aru bhi state kurishey ki, judi itu khan kuriboley fail hoishey koiley, tai khan penal aru/ nahoilebi legal action face kuriboley lagibo, itu Nagaland Groundwater Rules, 2020 laga provision khan laga under tey.
Add Comment