Gaza, 30 October : Shani Louk, ekta German mahila kun ke Hamas operatives para October 7 dey dhurishey, tai murishey aro tai laga laash toh Israeli troops para Gaza dey paishey, tai laga khantan aro Israel government para aji confirm kurishey.
“Bishi afsos para mui laga bhuni laga maut hua janai di asey,” tai laga bhuni Adi Louk para social media dey kuishey.
Itu 23-saal mahila ke hostage luishey kitia tai Supernova music festival attend kuri thakishey Gaza border osor dey, kuntu surprise Hamas attack laga sobse dangor target maju dey ekta thakishey October 7 dey.
Tai haari jaa piche dey, tai laga amaa Ricarda Louk para German aro Israeli governments ke Shani Louk ke wapis aniwoley appeal kuria toh viral jaishey social media dey. “Muikhan ke ekta video pathaishey kutey mui laga bacha ke mui dikhi paishey gaari dey behosh huina Palestinians logot aro taikhan Gaza Strip phaney jai thakia,” tai para video dey kuishey.
Itu 23-saal mahila ke ekta pick-up truck dey nanga parade kurishey dhuri lua piche dey. Share kuria laga video khan dey terror attack thik hua piche dey, Shani toh ekta pickup truck dey shakal niche kurina ghumai thakia dikhi paishey. Tai laga khatan kuishey ki taikhan para Shani ke tai laga dreadlocks aro distinctive tattoos para jaani paishey.
Tai laga maut laga khobor X dey sharw kurina, Israel para kuishey, “Shani kunke ekta music festival para kidnap kurishey aro torture kurishey aro Gaza pura parade kurishey Hamas terrorists para, kuwo naparia laga horrors experience kurishey. Muikhan laga muun phangi asey.”
Shani toh itu music festival attend kuri thakishey aro social media dey clips dey tai dance kuria aro gaana gai thakia dikhaishey tai laga saathi khan logot Hamas group para itu jagah dey attack nakuria olob gondha agey dey.
German paper DW laga hisab dey, Ms Louk toh pulawoley kosis kuri thakishey kitia taike Hamas operatives para dhurishey, kun para taike Gaza dey lui jaishey, kutey taike maari thakia film kurishey.
Add Comment