New Delhi, 19 November : Germany FIFA World Cup 2026 te qualify kori loise dangor 6–0 victory loi Slovakia laga khilaf te, aru Group A laga top spot secure kori dise. European heavyweights khan logot Netherlands bhi World Cup te ghusi jaise, juntu Lithuania ke 4–0 te harai Group G te top finish kori dise.
Leroy Sane bisi brilliant performance dikhai loise juntu Germany ke tai laga 19th consecutive World Cup te jagah confirm kori dise Slovakia laga khilaf te. Nick Woltemade towering header diya piche first goal khuli dise. Tai piche Serge Gnabry ke through ball dise kute tai second goal marise. Florian Wirtz homoi te Leroy Sane ke dui bar five minutes bitor te assist kori dise, aru half-time ageta game safe hoi jaise.
Second half te bi attack sob Slovakia laga goal te jai thakise, aru Ridle Baku ekta bisi flowing team move finish kori fifth goal marise. Teenage debutant Assan Ouedraogo last te beautiful Sane laga backheel piche final goal add korise.
Tai piche, Netherlands bhi World Cup qualification complete kori dise Lithuania laga khilaf te Amsterdam te decisive win loi. Dutch team start pora control te thakise, aru ekta Lithuania laga mistake piche Tijjani Reijnders right-foot finish te first goal marise.
Cody Gakpo penalty spot pora second goal add korise jitu handball decision piche diya jaise. Xavi Simons third goal marise, aru Donyell Malen ekta rampaging run pora fourth goal complete kori dise.
Slovakia bisi haru bi, table te second finish kori diya karone, tai World Cup te jabo paribo — UEFA 16-team Play-off competition te jabole chance thakise. Group G te Poland bhi tai laga last match te Malta ke edge past kori runners-up spot secure kori dise.
Group L te, qualification campaign dramatic te khotom hoise — Croatia Montenegro laga khilaf te last-gasp comeback win loi qualification confirm kori dise, aru Czechia Gibraltar ke 6 goal marise.
Itu, Group A te Northern Ireland Luxembourg ke narrowly haraina tai laga preliminaries bhal te finish kori dise.
Add Comment