Germany te 101 umer ke first Coronavirus Vaccine dishe

Berlin: Saturday din Germany te 101 umer maiki manuh logot coronavirus vaccine first thishe. Germany aro EU te vaccination campaign soruh nahowa akhe te thakishe koishe. Edith Kwoizalla logot the Pfizer-BioNTech vaccine toh first thishe, koikena home’s manager TobiasKrueger para AFP logot koishe.Pfizer-BioNTech vaccine toh first West te jalaboli manishe, etu Britain para December 2 darik te jaoboli mani deya ase. Dosura desh neshina United States, Saudi Arabia aro Singapor khan para be manishe aro jaboli soruh hoboli ase koishe. December 21 daik te EMA para jalaboli green light thikena ase. Etu eke rati te European Commission para Sunday, December 27 darik para jaga sob te vaccine mara soruh hoboli fesla lowa toh junai thishe. “ami khan nemite hotai din toh count kori ase”, koikena etu jaga laga vaccination centre official, Immo Kramer para MDR public television te junaishe. Saturday din te, 10,000 vaccine doses toh regional health authorities logot thishe, etu beche local vaccination centres te thikena jaboli ase koishe. Elderly care home residents aro 80 umer oper aro staff manuh logot vaccine toh first thiboli koishe. German Health Minister, Jens Spahn para “day of hope” ase koishe. “vaccine toh etu bemari nemite sobse tangor key ase”, tai para news conference samai koishe. Germany te coronavirus first wave toh spring samai thakishe aro etai second wave pongchikena ase. Sobse notun data Robert Koch Institute hesab te, sob melaikena 14,455 notun bemari cases toh 24 gonda pithor te paishe aro etu oper te 240 manuh morai khobor paishe, etu melaikena atai dak te 29,422 manuh morikena ase.