Accra, 14 October : Ghana itu bar ekta dangor comeback kori loise, juntu piche 2025 African Cup of Nations qualify kuribo parianai, itia World Cup te nijor jagah confirm kori loise. “Black Stars” khan Comoros upor 1-0 laga jit loi Group I te top spot seal kori loise. FIFA World Cup 2026 te Ghana laga etu hobo fifth appearance football laga sabse dangor stage te, juntu te tate Germany 2006 te debut kori thakise. Etiya, taikan char saal agey Qatar World Cup te group stage te eliminate hoi ja thaka performance te improve koribo lage koi ase.
Ghana ke Madagascar pora bisi tight competition di thakise, kintu qualifying laga last din te Mohammed Kudus laga ekta winning goal pora taikan nijor ticket confirm kori loise global showpiece karone.
Ghana laga sabse dangor World Cup performance South Africa 2010 te ase, juntu te Milovan Rajevac laga team Asamoah Gyan laga inspirational performance pora quarter-final te pounchise. Round of 16 te, Gyan laga extra-time te marha powerful goal USA upor victory di thakise aru etu pora Uruguay logot ekta legendary quarter-final match hobo loi dise — juntu World Cup laga most thrilling games majot ekta hisab te rakhi jai.
Add Comment