Uttar Pradesh, Sep 25: Ghaziabad deh duita chor para sona laga chain chori kurishey ekta buri mahila ekta para. Tai laga nijor laga ghor para chori kurina polai jaishey scooter deh.
Etu ghatna toh Rajendra Nagar deh hoishey aro etu toh pura CCTV deh capture hoi jaishey. Etu ghatna laga footage toh social media deh viral hoi jaishey, aro etu para city deh crime laga concerns kan uthaidishey.
Video deh, manu ekta para taikan laga ghor laga gate deh gushina, joborjosti 60-year-old mahila laga chain olaishey, aro chor laga aro ekta sathi toh bahar scooter deh rukhi thakishey. Aros paros laga manu kan para taikan ke dhuriwoley pecha toh kurishey, hoilibi taikan polawo parishey.
Mahila laga husband, Satendra Singh para police logot ekta complaint file kurishey, aro police para ekta case registered kurina suspects kan ke bisari ase.
Add Comment