November 14, 2023 : Tuensang, Hakushang laga Government High School para tai khan laga Golden Jubilee celebrate kurishey, Tuensang laga Town Hall tey para , 14th November, 2023 tey, Tuensang laga ADC – Thungchanbemo Tungoe logotey, tatey tai Special Guest buhi kena.
Itu occasion tey kotha kuri kena, Thungchanbemo Tungoe para itu teachers khan ke, SMDC laga members khan ke, pioneers khan ke aru students khan ke congratulation janaishey, itu milestone achive kuri kena. Tai para koishey ki, fifty saal laga existence thaka laga celebrate kuria toh easy task nahoi ki ki laga school hoilebi aru koishey ki, Hakushang School toh hoiley upgrade kurishey, High school kuri kena, Middle school thaka tey para, tai laga naam para nahoi hoilebi tai laga performance para, academic session tey. Tungoe para koishey ki, itu jubilation laga din toh hoiley celebrate kuri asey kiley tai laga dedication aru sincere thaka nimitey, itu pioneer khan laga aru alumni laga, Hakushang School laga aru tai para itu students khan ke encourage kurishey, ekta bhal legacy loi jaboley nijey logotey, itu school laga. Tai para hope kuri asey ki, itu puriboley- likhiboley laga jui toh eneka he continue thakibo, sob students khan ke light dikhai kena, aha laga din khan tey bhi.
Add Comment