Phek, 19 September: Wednesday din phek laga Government Higher Secondary School pora Phek Local Ground jaga de annual sports loise. Etu time de, etu school laga chairman Phek Deputy Commissioner, Orenthung Lotha toh guest speaker karni thakise. Etu din de tai pora academic session de pass hoi kena thaga sob student logode congulate kora thakise. Tai pora sport be all round development nemide eki kum laga ase kowah thakise. Tai pora be teahing staff logode jai-ja academic sal time de ektum phal kum kora karni congratulate korise. Aro tai khal logode be enaga he phal pora agae jai thakibole kowah thakise. Tai pora jarta house Belgium house, England house, France house aro Germany house logode phal pora khelibole wish kora thakise. Etu agae de, tai pora tournament flag dana thakise aro etu bechide sob team khan march past kora thakise. Tai pora be tournament suru howah koi-kena janaideya thakise. Etu din laga function de Wangshikoklapora chair kora thakise. Welcome address toh GHSS, Phek laga Vice Principal pora anna thakise. Oath Taking toh Neihite Akami, GHSS, Phek pora korise.
Add Comment