LONGLENG,JUNE 15,2019: Government Middle School, Block Longleng 13th June 2019 te Mahila Shakti Kendra khan DTF BBBP logote “Empowering Girls for a Brighter Tomorrow” laga theme bithor te Girl Child Week manaishe .Etu celebration laga main objective toh maiki bacha khan ke tai laga rights khan janaidibole ase aro child issues Health, Respect, Education, Nutrition te kotha kuribole laga bi ase .
GMS, Block Headmaster, K. Phaulem tai laga welcome speech te DTF, BBBP & MSK Longleng khan ke khushi janaishe etu programme loa nimete aro koishe etu toh first programme ase maiki students khan nimete luwa tai khan laga school te .Tai khan para school students khan ke mon dangor hobi ko ase aro tai khan laga rights nimete uthibi koishe aro enika programme toh lobi opportunity nishena maiki students khan laga bhal nimete .
Tutinungla Phom, District coordinator para Girl Child Week Celebration laga brief introduction dishe .Aro Phungla Phom, WWO MSK Longleng para outstanding student khan ke certificates aro gift hampers khan dishe .Tai para Girl Child Rights laga importance te kotha kurishe aro tai khan ke mondangor kurikena maiki hobi koikena janaishe . Girl child issues & needs laga importance uporte bi kotha kurishe . Sakhi-One Stop Centre Longleng laga khobor khan Henchem Phom, Centre Administrator para koishe .
Etu programme luwa pichede ekta special session loishe etu te maiki students khan ke opportunity dishe tai khan laga talent khna dikhabole nimete .Etu time te etu maiki students khan para original songs, quotation, poem, speech khan kurishe .Etu kura toh Tai khan ke realise kuri dibole nimete aro future career nimete lobole nimete ase .
Etu initiative programme ke support kuribole nimete ‘Beti Bachao Beti Padhao’ scheme bithor te sob maiki students khan ke gift hampers khan dishe kun etu programme te ahise .Etu programme te high school girls, teachers aro OSC team Longleng khan ahise.
Add Comment