July 9, 2021. Wednesday din te Gangapuram Kishan Reddy ke cabinet rank te othai deya nemite Thursday din te tai para Development of Northeastern Region (DoNER) minister charge loishe. Gangapuram Kishan Reddy toh Narendra Modi government pithor te tuita(2) Telugu states—Andhra Pradesh aro Telangana para tai ekla ke junishe koishe. Telangana te BJP nemite besi important manuh ekta ae aro Reddy toh Secunderabad para 1st term MP ase koishe. Reddy toh 60 umer ase aro tai toh tin(3) paar MLA hoishe aro puila para BJP party te ase. Tai laga political kahani toh party worker neshina ekta thakishe aro tai para organization te mon thikena kam kori thakishe koishe. Telangana aro Andhra Pradesh Assemblies te BJP floor te kam korikena othishe. Tai toh Ranga Reddy district para ase aro 1960 saal middle-class farmer ekta family te jonom paishe. Senior BJP leader toh Central Institute of Tool Designs, Hyderabad te diploma paishe aro tai toh Andhra Pradesh Assembly 2004 saal te 1st Himayatnagar constituency, Hyderabad te junishe. 2009 saal te constituencies delimitation howa beche, tao Amberpet para contested korishe aro tuita(2) terms etu constituency te MLA thakishe. Reddy para DoNER ministry te Dr. Jitendra Singh ke putli korishe.
GK Reddy para DoNER minister charge loishe
Add Comment