New Delhi, 17 December: Defence Minister Rajnath Singh koise, Global economic asti howah para India ke olob dekthari toh paise. Hoilebe ami khan laga desh toh katha din majode sob dekthari pai thaga ke kamiyaab hobole mondangor ase.
Monday din Mr Singh toh US deh ponjishe. Tati tati jaa toh December 18 direk Washington DC deh India aro US majode second two-plus-two dialogue lobole laga thakibo nemide ase.
Rai koise, aji kali duniya deh global economic asti howah laga kotha toh ase. “Ami para be manishe global economic asti howah aro India be olob toh dekthari paise. Hoilebe ami pura confident thaga toh India toh olob moina bechide sob dekthari para pahar olabole ase”.
Tai koise, etu toh India nemide dangor monchinda laga toh nahoi kelay koile government para besi major steps lowah aro economic growth othabo nemide economic packages announce kora nemide.
Tai koise, “Ami khan global economic nama ke toh consumer demand othaikena saijabole paribo. Government para besi structural aro procedural reforms loise aro etu toh etiya dekhi ase”.
Tai koise, global economic recession hoilebi India toh tusara desh khan ke saijaile eman dekthari powah nai. India laga consumer demand toh thek he ase. Ami khan sob dekthari para sure pahar olabole ase.
India laga GDP prowth July-September quarter deh toh sixth consecutive quarter nemide 4.5 percent deh namise. Etu toh low domestic consumption deh manufacturing nama nemide ase.
Mr Singh koise, global economic nama para India ke dekthari powah toh first time nahoi. Congress government, Manmohan Singh Prime Minister thaga time deh be India toh global economic slowdown para dekthari paise aro former Prime Minister Atal Bihari Vajpayee thaga time deh be dekthari toh paise.
Tai koise, Prime Minister Narendra Modi laga government toh decisive government ase aro kon para hoilebi Prime Minister Modi’s decisiveness ke question mark kuribole naparibo.
Mr Singh para India laga manu nemide Modi government para major measures aro initiatives lowah janaishe. Tai para janaideya ke homes, building toilets to end open defecation, electricity, cooking gas aro infrastructure development deh shaa be melikena ase.
Mr Singh para Jammu and Kashmir’s special status Article 370 hataideya opor deh saijai kena koise, besi political parties para election manifesto deh besi lekhi. Hoilebe power howah bechide tai khan powridae.
Etu para chamela ola hoijai. Ami confidence para kobole mon howah toh, BJP para etu challenge deh manishe. Ami khan para kowah nesana korideshe.
Sikh community opor deh hotiya ke Singh koise, India toh Sikh community para motob deya ke ketiya be napowribo. Kon para hoilebi India laga culture bachabo nemide sacrifices kora nai hoilebi Sikh community para korise.
December 18 direk two-plus-two dialogue meeting lobole laga ke US Secretary of State Michael Pompeo aro Secretary of Defense Mark Esper para Minister of External Affairs S Jaishankar aro Singh ke host kuribole ase.
Add Comment