New Delhi, 2 December : Grandmaster Arjun Erigaisi Sunday din Viswanathan Anand te olop milai India te dusra aru duniya te 16th jon banishe gold-standard ELO rating 2800 pabo karone, aru latest rankings hisab te 4th spot occupy kure ase.
21 years olop lora tu eta dangor form te ase etu year te, India laga historic performance Chess Olympiad te ekta individual gold aru team title jitibo karone.
Warangal, Telangana te janma Arjun Erigaisi 14 years, 11 months, aru 13 days te Grandmaster title pabishe. September 2024 te, tai India laga top-rated player banishe.
Hisaab te, Arjun Erigaisi laga rating 2801 ase aru 4th spot te ase, USA laga Hikaru Nakamura (2802) nishna pora thora niche. Norwegian Magnus Carlsen 2831 rating nishna top spot te ase, aru USA laga Fabiano Caruana (2805) second te ase.
Dusra Indian chess prodigy, 18-year-old D Gukesh, jun Ding Liren (China) logo te Singapore te World Championships title karone kheli thakise, tai Arjun Erigaisi laga ekta niche, 5th spot te ase aru 2783 rating ase. Ding Liren (2728) laga ranking 22nd ase.
Add Comment