Guwahati, 22 June : Guwahati Medical College and Hospital (GMCH) para agey cadaver kidney transplant successfully complete kurishey. Assam laga Chief Minister, Himanta Biswa Sarma, June 22 dey hospital dey thakia ekta press conference homoi itu announcement kurishey.
Sarma para declare kurishey ki agey par karney, Guwahati Medical College aro Hospital para cadaver kidney transplant kurishey.
Sarma para itu procedure dey elaborate kurina samjaishey ki, iti tuita kidneys toh ekta brain-dead patient logot para luisheh aro tuita patients pitor dey transplant kurishey. Parag Gogoi, Guwahati laga ekta resident, brain-dead kuina declare kurishey, aro tai laga khantan para tai laga kidneys toh GMCH ke donate kurishey. Itu kidneys itu piche deg successfully tuita patients pitor dey transplant kurishey. Aji, taijun bhi GMCH dey taijun laga stitches ulawoleh ahishey. Itu successful surgery toh Dr. Shashanka Baruah, Dr. Pushkar Bagchi, aro Dr. Manjuri Sarma para complete kurishey.
Itu cadaver kidney transplant dey murina thakia donor logot para end-stage renal bimari thakia ekta recipient ke kidney transplantation kuri dey. Itu procedure toh critical asey kiley kuiley itu para lagi thakia patients karneg organs laga availability uthai dey, kuntu karney kidney failure suffer kuria khan ke zindagi dey ekta notun lease offer kurey.
Itu Chief Minister para Assam laga media aro manu khan ke brain-dead patients logit para organ donation promote kuriboley urge kurishey.
Itu announcement para GMCH aro Assam dey healthcare sector karney ekta significant step agey mark kuri asey, region karney improved medical services aro life-saving procedures vaada kurina.
March 16, 2026
World's First and Only Nagamese Newspaper
Add Comment