Goa, 2 August 2025: Goa Legislative Assembly ekta important amendment pass korishe Goa Tourist Places (Protection and Maintenance) Act, 2001, 2025 te. Modified kora etu law tu tourist jaga touting aru public nuisance karone ase, juntu fine ₹1 lakh tak dia jabo pare.
Tourism Minister Rohan A. Khaunte koishe ki bill tu tourist khan laka respect aru safety protect koribole, aru Goa te tourism experience bhal bana karone dorkar ase. Etia “public nuisance” laka meaning expand kora hoishe —begging, tourist khan ke disturb kora, illegal hawking, open cooking, bottle bhang kora, jagah ganda kora, aru unauthorized boating aru photography restricted jagah te.
Kunba manu etu kaam khan korile, fine ₹5,000 pora ₹1,00,000 tak di jabo, depend kore offence upor. Jodi manu repeat kore, taikhan laka upor legal action loi jabo paribo Bharatiya Nyaya Sanhita, 2023 laka Section 223 anusar. Law tu bhi allow kore fine khan duita sal pora 10% barai dibole, inflation hisap te.
Khaunte koishe ki law tu officials khan ke bishi power dibo tai khan quick action loi pare juntu tourist khan ke disturb kore nohoile public property damage kore. Police aru tourism officials khan ke training dia jabo.
Tourist place—beaches, forts, heritage site khan monitor kora jabo. Local manu aru tourist khan ke encourage kora ase jate kunuba nuisance thakile helpline ba tourism department laka app upor report kori bole paribo.
Sorkar laka expectation ase ki etu law pora Goa ekta safe aru clean jagah banibo, juntu domestic aru international tourist khan karone bhal hobo.
Add Comment