Panaji, 08 August: Thursday din Goa Chief Minister Pramod Sawant koise, coast deh ektum gara hosiyar toh janaishe aro manu khan sea deh nathakibo nemide be hosiyar janaishe.
Indian Meteorological Department (IMD) para pura North Goa aro South Goa districts deh ektum gara paani toh next 3 hours deh ahhaibole predict korise.
IMD koise, “Etu samai deh pura North Goa aro South Goa districts laga konbah jaga deh ektum phari paani keribo nesana ase”.
Sawant koise, North Goa deh state’s Bardez, Pernem aro Bicholim Talukas laga besi phak bosti deh floods hobo nesana ase. Tai para be etu opor deh ektum gara hosiyar janaishe koise.
Sawant koise, Bardez, Pernem aro Bicholim deh flood howah toh Tillari Irrigation Project para paani chara nemide ase. Etu toh Maharashtra laga catchment areas deh ektum bhari paani kera nemide ase koise.
Sawant para be industrialists aro Goa laga manu khan ke monsoons para saman khan beya hoise koile motob debole janaishe. Etu toh Chief Minister’s Relief Fund para motob debole koise.
Thursday din state Assembly deh Minister for Ports Michael Lobo para CM relief fund deh tai laga tin moina salary Rs 5 lakh debole khobor janaishe. Kelay koile floods para affect howah khan ke motob debo nemide. Tai para be tai laga colleagues khan ke CM relief fund deh donate kuribole janaishe.
Add Comment