December 11, 2025: Thailand lafa police para Saurabh Luthra aro tai laga bhai Gaurav Luthra ke durei she. Tai jun India para polai thakeishe. Kile koile toh tai jun laga Goa club kunto julei kena 25 manu mureshe. India Government para Interpol Blue Corner Notice issue kurei dekena tai jun ke dure she.
Ekta senior officials para koishe ki kai jun ke Phuket, Thailand teh dureshe. Aro tai jun ke India teh vapas anebole kam kurei shuru hoishe koishe.
Tai jun December 7 teh 1:17 am teh ticket ekta book kureishe koishe. Phuket teh Jabole. Tai jun laga club julei sha aro manu murei she janei palo teh ek ganda piche teh ticket toh book kurei loishe. Tai jun laga club laga nam toh ‘Birch by Romeo Lane’ ase. Aro etu club toh Arpora, North Goa teh ase.
Police aro fire bracket khan jui toh mota aro manu khan ke bachabole homoi teh tai jun toh India charekena polai jai she. Tai jun Sunday morning, IndiGo flight para olai jai she koishe.
Goa Police khan Central Bureau of Inestigation khan laga ahge teh hei kena Blue Corner Notice tai jun laga opor teh issue kurebole mangne she.
Add Comment