Goa te Deputy Chief Minister anedebo bari

NEW DELHI, SEPTEMBER 20 : Goa laga Chief Minister Manohar Parrikar toh Delhi te Pancreatic ailment bemar pora sabole jai kena ase. Etu karne BJP Party kan Deputy Chief Minister toh anedebole kuri ase koi kena, khobor te janaise. Etu kotha toh kedia Congress Party kan pora tai kan Party toh Single-largest party ase. Etu karne tai kan  Goa te Sorkar julabole kuribo koi kena kotha ula bejete ula laga ase koise. Khobor porabi Central Team kan BJP leaders laga kan Goa te jua habta ahese. Etu time te tai kan pora etu State laga Political chamala nemite sob saidebole kurikena thakise. Aro BJP-led Sorkar kan etu state laga logot eku alliance laga chamala nai. Aro tai kan Alliance kan sob mela-mele hi ase koise. Aro etu state te chamala ulai kena thaka nemite Deputy Chief Minister anedebo. Aroe tu Deputy CM porahi kam bhal te saidebole kura hobo. Aro etu Deputy CM anedebole toh 2 din nahuile 3 din majutte saidebo koi kena, khobor te janaise.