Goa, 03 May 2025: Goa, Maharashtra aru Karnataka para devotees khan Lairai Zatra festival karone jamah hoise, news agency PTI report kurise.
Ekjon senior police officer koise ke incident laga exact karon to investigation hoa piche janibo paribo.
State health minister Vishwajit Rane confirm kurise ke kom se kom 30 jon injure hoise, aru 8 jon critical condition te ase. Injured khan majot 2 jon ke Goa Medical College and Hospital, Bambolim te refer kura hoise.
Goa chief minister Pramod Sawant koise ke Lairai Zatra te Shirgaon te hua stampede karone tai deeply saddened ase aru affected families khan ke full support dibo.
Tai X (Twitter) te post kuri kena koise: “Shirgaon te Lairai Zatra te hoa laga etu stampede karone moi personally hospital visit kuri kena injure khan logot lok kurise aru affected families khan ke full support assure kurise. Moi personally situation monitor kuri ase jate sob necessary measure lobo paribo. Hon’ble Prime Minister Shri @narendramodi ji moi logot phone te kotha koi kena situation laga details loise aru tai full support offer kurise etu difficult time te.”
Etu temple tu northern aru southern architectural style milaikena bona ase, aru Shirgao Jatra festival May month te host kura jai. Etu festival te traditional fire-walking ritual thake, juntu thousands of devotees sabole ahie.
Maulingem jaga khan milaikena osor bosti pura bhi manu khan religious rituals aru Goddess Lairai karone offerings diya te part loi thake, juntu Goa Tourism website te mention kura ase.
Midnight ahi time te, devotees khan temple andar te ekta energetic circular dance perform kure, drum beat logot stick clash kure rhythm maintain kuri kena.
Dance khotom hoa pichete, ekta select kura manu ekta dangor bonfire jolai temple logot, juntu night laga sobse dramatic moment hoi. Early morning te, bonfire khotom hoa piche, devotees khan juli thaka koila opor te barefoot te run kuri jaye, Devi Lairai laga naam chant kuri kena.
Kunba manu etu ritual ekbar nohoi, multiple times repeat kure. Ritual khotom hoa piche, devotees khan nijor garland ekta banyan tree te phekhai, aru ghor wapas jai, festival tu sunrise logot khotom hoi.
Add Comment