Kohima, January 09: Indian Army laga Red Shield Division laga General Officer Commanding (GOC) para 07 Jnauary 2025 te Zakhama Military Station visit kurisey. Etu visit kora homoitey, GOC para Nagaland laga Ex-Servicemen aro taikhan laga parivar khan ke lok kurikisey. Enaka kurikina GOC para camaraderie(saathi nisna mana) aro dhanyabad thaka laga spirit dikhaisey. Aro taikhan para desh ke surakshit rakha te contribute kora tu acknowledge kurisey aro jawan manu khan ke inspire kora te lagatar role nibhai thaka nimitey tarif kurisey. Etu lok kurikina baat-chit kora para taikhan(Ex-Servicemen aro taikhan laga parivar khan) laga dukh-diktar khan address kuribole laga ekta moka disey. Aro Ex-servicemen, Veer Nairs aro taikhan laga parivar khan laga bhalayi nimitey Army laga commitment tu aro ekbar janaisey. Zakhama aro etu laga osor te thaka busti khan laga Ex-servicemen khan para etu event tu taikhan laga family logotey attend kurisey.
GOC para Captain Neikezhakuo Kenguruse laga ama-baba aro bhuini ke bi somman disey. Captain Neikezhakuo Kenguruse tu ekjun Kargil War Hero thakisey kun laga bahaduri aro sacrifice tu aji tak inspiration(prerna) laga ekta source hoikina asey.
INDIAN NAVY DIVERS KE ASSAM TE FASIKINA THAKA MINERS KHAN KE BACHABOLE PATHAISEY
Modod nimitey urgent request kora laga jawab te, Indian Navy para Assam laga Dima Hasao district laga Umrangso jaga te fasikina thaka miners(koila khunda manu khan) ke olabole modod kuribole nimitey Visakhapatnam para ekta specialized team ke hawai jahaj para pathaisey. Etu ekta officer aro 7ta sailors thaka team te bisi bhal para trained thaka Clearance Divers asey kun khan ekdam nichey dive(pani bhitor te swim kora) kora aro manu khan ke baccha laga kaam te bisi bhal asey. Etu team tu etu jag ate 7 January 2025 laga shaam faley pungchikina bachabole laga operation suru kuridisey.
Etu team tu enaka mushkil aro khatarnak mission nimitey pura puri tayar asey. Taikhan logotey pani laga ekdam bhitor taak jabole laga gear aro manu khan ke bisarikina bacchabole nimitey pani bhitor te chola vehicle nisna special hathyar asey.
Etu kaam tu Indian Army, NDRF aro local civil administration logotey milikina kuri asey.
Ekdam jordar khoj aro rescue operations chuli asey. Etu te shamil thaka sob agency khan logotey lagatar information exchange kuri asey. Taaki rescue tu smooth para aro homoitey kuribo paribo.
Indian Navy tu mushkil homoitey logalog modod dibole committed thakikina, taikhan para emergency homoitey manu khan laga jaan laga raksa kuribole aro desh ke support kuribole laga sahas dikhai asey.
Add Comment