Italy, 23 October : Olympic gold medal jeeta shooter Abhinav Bindra ke 2026 laga Winter Olympic Games (Milan aru Cortina d’Ampezzo, Italy te February 6 pora 22 tak hobo) te ekjon torchbearer hisab te select kurise. Itu announcement India laga first individual Olympic gold winner laga journey te ekta dangor proud moment ase, juntu global sport te ekjon respected voice aru perseverance aru excellence laga symbol ase.
Bindra, jun Beijing Olympics 2008 te 10m air rifle event te gold medal jitikena history banaise, torchbearer hisab te select hua piche te nijor deep gratitude aru emotion express kuri dise.
Milano Cortina 2026 Winter Olympics Italy laga chouth time hobo juntu desh te Winter Games host kuri ase. Event khan Milan aru Cortina d’Ampezzo laga twin venues te hobo. Itu edition te total 116 medal events thakibo 16 discipline te — juntu Beijing 2022 Games pora 7ta besi event aru ekta notun discipline add kuri dise.
Pratyek Olympic Games laga ekta main highlight hoise — Olympic Torch Relay — juntu Olympic movement laga spirit aru ideals represent kuri thake. Itu global tradition laga ek hissa hisab te, Bindra bhi ekta distinguished group of athletes aru personalities logot join kuribo, juntu Olympic flame alag-alag jagate loi jabo opening ceremony tak. Itu relay laga aim hoise Italy laga communities khan ke unite kuri lobo, Olympic friendship aru excellence celebrate kuri lobo, aru upcoming Games laga excitement build kuri lobo.
Add Comment