September 16, 2020. Etai coronavirus bemari jai thaka samay hosari thakibo nemite Google laga animated doodle para aji manuh khan ke mask lagaboli janai thishe. Doodle para letters sob te mask lakaina alag-alag colours aro pattern te thikaishe. Aro etu katara virus para thur thakibo nemite steps be linked kori thishe. COVID-19 spread kora para pachibo nemite: Hotai hath sapa koribe, Sapon aro paani nohoile alcohol-based para hath thulabo. Kuan manuh khan kashi aro sorti ase tai khan logot thur thakibole lage. Ketai physical thur thakibo napare, mask lakabo lage. Soku, naak aro muke nachobo lage. kashi aro sorti kora samay, hotai hath nohoile tissue para bondh koribo lage. Judi bemar halat beya neshina hoile ghor te thakibe. Judi, kasha, sorti aro saas loboli dhuk hoile, hospital jabo lage. Agae para health manuh besarile tai khan para health facility thik kobo. Etu para pajibo aro virus bemari para be thur thakibo. Link para be khobor thishe ke, mask para keneka virus para thur thakibo. Mask laga ekla para toh COVID-19 bemar toh rokabo naparibo, hoilebi, etu logot physical distancing aro hath sapa thakibo lage. Etu kotha toh local health authorities para advice deya ase koishe. Duniyaa sob te, Tuesday din dak te COVID-19 cases toh 29,155,581 ase aro 926,544 manuh khan morikena ase, World Health Organization para junai thishe.
Add Comment