Google para Inida ke 135 crore motob koribo

New Delhi: Google CEO Sundar Pichai aro Microsoft Chief Satya Nadella para Monday din te India para coronavirus bemari larai kora samai India logot motob thiboli promise korishe. Itya samai desh laga healthcare system besi beya halat te ase aro hospital te beds, oxygen aro dosura medical saman komti te thaka samai janaishe. Pichai para junaishe ke, Google para Rs 135 crore fund toh non-profit Give India UNESCO logot bemari larai koribo nemite thiboli koishe. Etu oper te Pichai para aro Rs 5 crore toh relief kam nemite  Google nam te thibo, koikena company laga spokesperson para janaishe. “etu funds pithor te aro public health information campaigns nemite Ad Grant motob kora othabo. Jowa saal be ami khan para MyGov aro World Health Organization logot motob korikena audiences khan ke vaccines toh keman safe ase janaishe,” etu khobor toh Country Head & VP,  India, Sanjay Gupta para blog te koishe. “ami khan para motob kora toh aro besi wala othaikena 112 Crore INR ($15 million) Ad Grants toh local health authorities aro nonprofits logot thibo.” Etu samai, Microsoft CEO Satya Nadella para koishe ke, India laga halat saikena besi “mon dukh” ase, etu nemite tai laga company para Covid relief kam te motob thiboli koishe. “ami India laga halat saikena mon dukh ase aro U.S government para motob deya nemite kushi ase. Microsoft para awaz, resources aro technology para aid relief kam te motob koribo aro oxygen kena te be motob thibo,” koikena Nadella para koikena thakishe. Monday din te US President Joe Biden aro Vice President Kamala Harris para koishe ke, India logot jolti te relief kam aro medical life-saving supplies aro saman para motob koribo. “bemari akhe din te India para United States ke motob kora neshina, itya ami khan para India logot thik samai te motob thibo,” koikena Biden para janaishe.