Spain, 19 December 2024: Google Street View image pra ekta manu dangor buga plastic bag tai laka gari pichi te rakhi thaka laka pra murder case dhuribo leh madat kuri shety northern Spanish town te, police khan pra janai dishey.
Google app pra chula manu khan ke allow kureh duniya laka rasta la image dikhi boleh- gari te camera thaka pra film kura laka.
Tadeh dikhi paishey victim laka body la exact movement allegedly ola time te.
Duita manu ke last month dhuri shey, accused thaki shey ekta manu hari ja aro murder nimite October last year te. Tai laka body laka piece toh last week paishey cemetery te.
Etu first time ase 15 saal te google gari toh Tajueco town te ja toh, Soria laka northern province te. Officials khan pra koishey alak photo pra dikhi paishey ekta manu laka blurred silhouette dangor buga bundle loi jai thaka wheelbarrow te.
Hoileh police pra koishey photo toh decisive thaki nai case solve kuribo leh.
Mota victi, EI Pais newspaper pra koishey, 33 saal Cuban national toh report missing hoishey October 2023 te. Relative khan victim laka phone pra text messages paishey kun toh taikhan bishi suspicious lagi shey.
Relative pra police ke koishey, taikhan pra koishey victim toh maiki ekta lokot lok paishey, Spain chari ase aro phone toh nachula hoi jabo. November 12 etu saal police khan maiki ke dhuri shey, etu maiki toh harija manu laka partner thaki shey aro etu mota kun toh maiki laka ex-partner thaki shey.
Add Comment