New Delhi, 05 April 2025: Narendra Modi sorkar etu month te 26 Rafale-Maritime strike fighter jet kenibole greenlight dibo koi ase, jun tu defence equipment opr te capital spending uthi thaka laga trend continue kuri ase. 2024-25 te, NDA sorkar defence opor te ₹2 lakh crore para beshi khorcha kurise.
HT laga information hissab te, $7.6 billion laga fighter jet deal Cabinet Committee on Security (CCS) age te etu month te jabo, aru etu laga pichete sorkar tinta additional diesel electric submarine kenibole approval dibo, jitiya sob stakeholder khan ekta opinion te ahibo. Rafale-M fighter jet khan Indian Navy ke besi shakti dibole use kuribo, jitiya India laga duita aircraft carrier opor te rakhi kena, aru additional submarine khan Indian Ocean Region (IOR) te conventional deterrence te dakot dibo.
Defence ministry 2024-2025 te total 193 contract sign kurise juntu ₹209059.85 crore laga ase. Jun tu 2023-2024 te 192 contract sign kura te para double ase, jun laga value ₹104855.92 crore thakise. Narendra Modi sorkar 2014 te aha para defence ministry total 1096 contract sign kurise juntu ₹10 lakh crore (₹946225.48 crore) opor thakise.
Etu number khan dekhai ase ki 2024-2025 te capital expenditure peak touch kurise, kintu funds surrender nohoi juntu last 4 bosor te dikhise. 2020-2021 te ministry ₹205 crore surrender kurise, 2021-2022 te ₹863 crore, 2022-2023 te ₹7055.99 crore aru 2023-24 te ₹2971.97 crore surrender kurise. Modi sorkar defence opor te capital outlay allocate kuri thaka lebi, defence ministry pura amount spend kuribo para nai aru etu para revised estimate komti kuribo lagise.
India laga neighbour country khan, specially China border infrastructure pura upgrade kuri thaka ase sob jagah te 3488 km LAC (Line of Actual Control) te. Aru Indian subcontinent bitore te political aru financial tension dikhai thaka nimite, Modi sorkar military capacity building ke top priority dibo koi thakise, ‘Aatmanirbhar Bharat’ focus kuri kena. Top official khan ke project management aru indigenous capacity building opor te accountability dibole task di ase, Defence PSUs juntu HAL aru BEL ase, taikhan ke aru responsibility aru timeline maintain kuribole direction di ase. DRDO ke bhi clear kuri dise ki India hardware platform testing unlimited time rukibo na naparibo, karon global instability etya toh normal situation hobo age jai kena.
Add Comment