KOHIMA, SEPTEMBER 21 : State Mission kan pora Government e-Market Place (GeM) toh asul te aro bhal te Chief Secretary, Benchilo Thong, IAS pora Secretariat Conference Hall, Kohima te 21st September 2018 te ulaidese.
Etu ulaide kena Chief Secretary pora khobor te etu Workshop toh ami kan Desh sob te manabole kura hisabte mana laga ase. Aro etu manabole kura toh 6th September pora suru kurikena 17th October 2018 dak manabole kura laga ase koi kena janaise. Tai bi etu GeM toh ekta E-Commerce Portal ase. Aro etu toh DGS&D (Directorate General of Supplies & Disposals) pora host kura laga ase koi kena janaise.
Tai bi etu GeM Portal laga business toh ekdam ahkete jai kena uthe ase. Etubi etu GeM Portal ulabole kura suru-suru porahi suru kurikena. Aro etu GeM pora business kura pora Rs. 11,875.80 crore poisa gaamai ase koise. Etu GeM Portal hisabte bi 1,42,194 Sellers aro Service Providers kan etu Portal te register kurikena ase. Aro tai bi etu Workshop pora GeM laga ki-ki bhal nemite ekdam husir pora kam julabole kuri ase. Aro Buyers aro Sellers 2 ta majutte bi etu Portal bitorte pora kam kurikena bhal te jabole karne hi etu Workshop toh manai ase aro kam julabole kuri ase koi kena janaise.
Tai bi etu GeM pora Government Departments kan ke ekdam bhal kam kuride ase. Etubi Products aro Services kan ek bar te besi kam kuribole bari aro etu oporte aramse aro bhal te tai kan Sorkar Department ke kam julabole de koi kena.
Tai bi HoDs aro AHoDs kan ke etu Portal pora bhal te kam julabole kuribi. Aro etu Portal pora ki kam julabole de ase etu kan ke bhal te sai kena kam kuribole kuribi koi kena janaide. Kele etu porahi tai kan bhal hobo aro etu oporte tai kan bi etu Portal porahi exktra poisa gaama bole baribo koi kena.
Additional Chief Secretary & Finance Commissioner, Temjen Toy, IAS porabi eti GeM laga bhal kotha kan janaise. Aro etu din te Deputy CEO GeM, Nirmal Kumar aro Business Facilitator GeM, Raja 2 jun toh Resource Persons nemite thakise koise.
Add Comment