JULY 28,2020: India Government Mint Mumbai laga ekta employee ke olop akhe te booked kurishe duita nola ola Rs 20 coins chor kurikena tai laga locker te rakha nimete.
Reports hisaab te etu accussed R Chabukswar ke police para 381 Indian Penal Code (theft by a clerk of property owned by his/her employer) laga section bithor kuntu te komti hoilebi saath sal sajaa ase etu bithor te booked kurishe.
Khobor paikena ekta Central Industrial Security Force (CISF) inspector mint te thaka toh Sunday din te duita eye witness laga samne te employee laga locker khulikena etu naola Rs 20 coins paishe.
MRA Marg police kun khan ke Monday te Chabukswar ke booked kurishe etia chan bin kuri ase judi tai para olop akhe te mint para aro bi coins khan chor kurishe na kuranai sabole nimete.
Police kuwa hisaab te etu toh Chabukswar nimete dikdaar hobole thakishe etu coins khan smuggle kuribole nimete office premises laga bahar te kile koile toh CISF guard khan para entry aro exit gates te sob employees khan ke checked kureh.
Hoilebi police khan para etia tak accused ke arrest kuranai COVID-19 situation nimete hoilebi tai khan notice phutaidishe etu te tai ke investigation te corporate kuribole janaishe.
March 2019 te Prime Minister Narendra Modi para coins laga series olaishe etu te new Re 1, Rs 2, Rs 5 and Rs 10 coins dishe hoilebi Rs 20 coin toh etu sal April 2020 te olabole nishena thakishe.
Hoilebi new Rs 20 laga coins olabole thaka toh diri kurishe coronavirus pandemic nimete.Finance Ministry’s notification, hisaab te etu nutun Rs 20 coin – highest-denomination coin India te bona toh etia tak dodecagon ekta 12-sided polygon laga shape te thakibo.
Add Comment