New Delhi, Mar 6, 2023: National Minorities Commission aro ministry of External Affairs para etu rescue kurishe 12 manu laga. Bishi toh Sikh thakishe, tai khan ke bhal para sapna dikhaishe bhal job dibole ekta agent Dubai laga. Aro tai khan ke construction site tae bomded labour banai dishe Libya tae.
Tai khan Delhi puncha pichete tai khan bhoi laga experience koishe, tai khan ke 15 ghanta kaam kuribole diye aro remuneration be nadiye. Aaro tai khan kaam nakuribo koile tai khan ke hit kure. Etu manu khan bishi toh Punjab para ase. Etu manu khan tai khan laga job pandemic para lost kurishe, aro tai khan India nachara agae tae mechanics aro labourers laga kaam kuri thakishe. Tai khan December aro January tae batches hoi kena India para ulaishe.
NCM Chairman Iqbal Singh Lalpura para press conference, Sunday tae koishe ki enika cases khan para moi khan poor labourers aro job nathaka youth khan laga problem focus tae ahi. Aro Punjab nishana states khan agents laga trap tae giri jai aro tai khan fake job rackets laga victims hoi jai . Tai para koishe ki commission khan national advisory issues kuribo. Lalpura para koishe ki Punjab government khan measures lobo lage youth khan ke enika agents para bachabole.
Lalpura para koishe ki NCM para MEA ke February 6 tae representation dishe government ke request kuri kena koishe ki youngsters kun ke illegally loi jaishe Libya tae ekta agent fake job racket para, tai khan ke wapas anibi koishe. Indian embassy, Tunissia ke be contact kurishe etu rescue operation karne.
Etu 12 manu toh duita batches February aro March tae wapas ahishe. Etu 12 tae, ekta manu Bihar laga ekta bosti para ase. Aro ekta toh Himachal Pradesh para ase. Jamaldin (56) tai Punjab para ase, tai para koishe ki taike Dubai tae job dibo koishe, “ Moi khan sob loans loishe travel laga expenses karne. Sob manu Rs 50,000 para 70,000 toh spent kurishe. Dubai puncha pichete moi khan ke koishe kit ate eku be kaam nai aro moi khan ke India nahoilebi Libya wapas jabo pare koishe.
Moi khan toh Libya jabo koi kena bhabna kuri loishe kile mane moi khan ke kaam lagi thakishe. Tate puncha pichete moi khan ke construction site tae dumped kurishe, tate laga private constractor para mi khan ke salary nadikena kaam kuribole dishe. Moi khan ke bhal para bhat be khila nai, bhoi khilai aro moi khan ke mari thake,” tai para koishe. (Times of India)
Add Comment