Kohima, 06 July: Nagaland laga Government para Tuesday te private hospitals te COVID-19 patients laga treatment nemite 50% beds mandatory reservation te cancel korise.
DIPR khobor hisab te, etu opor te kotha toh the State Level COVID War Room jaga te korise aro Government Hospitals aro dedicated COVID Hospitals te COVID-19 patients laga treatment nemite etiya beds lakiya te ponja (sufficient) bhabona hoise.
State Government para be State te COVID-19 cases laga hatsa toh last olob hapta para nama dekhise koise aro enaka nama toh hospitalization lakiya ten ama dekhise koise. Etu nemite, private hospitals te mandatory reservation of beds te nalakibo pari koise.
Private hospitals te 50% bed capacity thakibole reservation nemite May 05, 2021 te hokum deya toh agae hokum nadiya tak cancel te thakibo koise.
Add Comment