Agencies, 07 January: Government para Ladakh te Indus river aro tributaries nemite 114 MW laga eight hydropower projects toh clear korise. Etu toh etiya tak nemite sobse besi ase. Etu khobor toh Jal Shakti Ministry te sources para janaideya laga ase.
Ekta senior official para etiya besi horu projects ase aro sob melikena 113 MW laga capacity toh Indus, Ladakh te ase koise. Aro notun projects te besi capacity toh poila bonai kena thaka para besi hobo koise.
Official para notun projects toh Central Water Commission aro Indus Commissioner para clear korise koise. Etu projects toh Kargil aro Leh districts, Ladakh te bonabo koise.
Topography nemite, Ladakh region te dangor hydropower project bonabole napari koise.
Durbuk Shyok (19 MW), Shankoo (18.5 MW), Nimu Chilling (24 MW), Rongdo (12 MW), Ratan Nag (10.5 MW) hydropower projects toh Leh nemite clear korise. Kargil nemite Mangdum Sangra (19 MW), Kargil Hunderman (25 MW) aro Tamasha (12 MW) clear korise koise.
Official para notun projects bona toh tusara mandatory clearances powa bechite suru koribo koise.
Add Comment