Ekta dangor problem, juntu bhal para nadikhi thake, kintu manu khan olop idea thaki ase. Etu ase sarkar para diya infrastructure to bhal para use nakura. School, hospital, road, railway aru industrial park khan, sarkar para diya ase public ke help koribo karone. Kintu poisa dangor khorch kori kena bana thaka bi infrastructure to bishi jagah te thaki, bhal para use nahoi, aru etu ekta loss hoi jai, khali poisa nahoi, kintu opportunity bhi.
Example ase public hospital khan rural aru semi urban area te. Building ase, kintu doctor nai, nurse nai, equipment nai, aru dawai bhi nai. Hospital to ase, kintu treatment nai. Aro manu bhal hospital pabo karone dur jabo lage. Etu karone infrastructure banai diya bi useless hoi jai. Same situation government school khan te bhi dekhi jai. Building ase, kintu bhal teacher nai, student bhi regular na ahie, karon education upor interest nai aru family support nai.
Transport infrastructure bhi dukh laga ekta example ase. Regional Connectivity Scheme (RCS) te banai thaka small airport khan to ase, karon flight nai, demand nai. Kothai kothai road banai dise, kintu maintain koribo para nai, especially juntu place te weather bhal nahoi. Railway project start kore, kintu passenger nai, karon route planning thik nahoi. Etu sob te poisa barbad hoi thake, aru public benefit nabai.
Etu problem kinika solve hobo? Main karon ase planning aru ground reality bitore namila. Ketiaba political benefit karone project announce kore, real need nai. Department khan bhi eki logot kaam nakure, ekta complete hoise, baki khan late hoi. Corruption aru slow kaam bhi ekta reason. Juntu poisa use hobo laga operational kaam karone, late hoi jai. Aru project te contractor bhi kaam thik para nakura, low quality di thake.
Underutilised infrastructure karone economy bhi loss pai. Public poisa khorcha kori banai thaka ekta asset, use na korile, society ke benefit nai. Private company bhi invest koribo mon na thakibo, region development slow hoi jai. Manu khan trust sarkar opor kom hoi jai. Infrastructure to dekha lage thik ase, kintu practical use nai, etu karone failure hobo.
Solution to ki ase? “Banai diya” nahoi, “use kora” logot focus dibo lage. Project announce kora age proper research koribo lage. Local manu logot kotha koribo lage, ki lagibo, ki nai, bujhi pichete project banai dibo lage. Building banai diya para kaam khotom nahoi, teacher, doctor, maintenance sob important ase. Etu ekta continuous kaam ase. Infrastructure dynamic hobo lage, khali ekbar banai diya para chari diya nahoi.
Monitoring system thik kori dibo lage. Report khan dibo lage, ki ki use hoise, ki nai. Jodi ekta building use nahoi, ekta dusra kaam karone use kori lobo pare, jemon skill training, community centre, health awareness camp, women self-help group office, etc.
Khusi kotha nahoi jodi building banai diya pora sob kaam khotom bhabi bole. Use na korile, poisa loss, trust loss, aru development loss. Ekjon citizen hisap te, ami khan right ase bhal planning aru bhal execution demand koribole. Only then, public property to truly public ke benefit dibo paribo.
Add Comment