National, 21 March: Face masks aro hand sanitisers toh kaam laga saman ase koikena janaideya bechide etiya government para etu saman laga daam toh bonaishe. Etu khobor toh Saturday te Union Minister Ram Vilas Paswan para tweet te janaishe.
Union Consumer Affairs Minister Ram Vilas Paswan koise, coronavirus (COVID-19) ola bechae para Indian market te face masks aro hand sanitizers laga daam otha dekhishe. Etu para government para two-ply aro three-ply surgical masks aro hand sanitizers laga daam bonaishe.
Paswan koise, two aro three layered mask laga daam toh 8 aro 10 rupees thakibo aro two hundred milli-litre bottle laga hand sanitiser daam toh Rupees 100 thakibo. Paswan para etu kaam toh etu sal June 30th tak thakibo koise.
Add Comment