August 30, 2024: School Education laga Directorate para ekta felicitation service organise kurishey, Nagaland Government School Students Meritorious Award nimitey awardee khan laga, Morung Conference Hall tey para, School Education, Kohima laga Directorate tey, 30th August, 2024 tey. Advisor, School Education & SCERT, Dr. Kekhrielhoulie Yhome para itu occasion tey Special Guest hisap buhi kena grace kurishey.
Advisor, Dr. Kekhrielhoulie Yhome para itu awardee khan ke congratulate kuri thaka homoi tey, koishey ki, itu success toh hoiley khali student khan ekla nahoi, itu toh teacher khan bhi asey, kiley koiley teacher khan pata tai khan laga best effort aru hardwork dishey student khan ke motivate kuriboley karney, tai khan laga pura-likha tey sincere hoboley karney. Tai para inform kurishey ki, tatey toh hoiley 1,939 government school khan asey Nagaland tey, itu state laga sob cona-kocha tey cover kuri kena, bhal para qualify thaka teacher khan rakhi kena, itu education system improve kuriboley karney, itu state tey.
Directorate of School Education laga Principal Director – Thavaseelan K, IAS para koishey, tai laga opening remark tey, ki, itu award ceremony program toh hoiley 2023 para shuru hoishey, itu government school laga bacha khan ke motivate kuriboley laga aim rakhi kena.
Add Comment