Nagaland governor R. N Ravi para Nagaland laga manu aro Khiamniungan bhai aro bhoni ke Tsokum festival nemide wish korise.
Governor koise, “Tsokum mana toh besi harvest nemide ashirbad pabole aro harvest samai family members ke eku gopal beya lok napabo nemide manai.
Festival toh ektum phal para kushi pai kena thaka opor te unity, peace aro harmony promote koribole laga spirit ase. Festival mana samai sharing aro giving toh ektum phal practices ase,
Ami khan laga bacha nemide culture aro tradition lobole toh kaam laga ase. Tsokum samai, moda aro maike khan traditional games aro sports te hisha loi. Etu para young age te mutual understanding aro cooperation bonai.
Aji, ami khan ami khan apuni logode etu extraordinary situation te festival nama te, ami Isor ke prathana kori ase sob ke ashirbad nemide”.
Governor para be Nagaland laga manu besi phak Pochury bhai aro bhoni ke Yemshe festival nemide wish korise.
Governor koise, “Yamshe toh ekta harvesting festival ase aro Pochury community para etu samai tai khan dukh korikena kaam kora laga laab (fruit) nemide kushi manai.
Ami khan para Pochury sati khan para be tai khan laga saman share kori, gifts exchange kori aro ekta-ekta logode care kori. Tusara sundor practice toh manu khan bosti sabha rakhibole mon howa te ase.
Traditional dances aro songs aro festival laga tusara phal characteristics ami khan laga forefathers para chara te younger generation khan para bachai rakhibo lakae.
Ami khan aji etu sundor festival mana te, sob ke phal health, peace of mind aro prosperity nemide Isor para ashirbad debo”.
Add Comment