April 01, 2025, 05:20 PM: Itu Hope Channel Dimapur para tai khan laga Bhik manga manu khan aru Ghor nathaka manu khan laga Shelter Home inaugurate kurishey. Itu “ekta Soul nimitey Manna” laga initiative under tey, itu IHSDP Complex, Netaji Colony, Dimapur, April 01, 2025 tey. Nagaland laga Governor – La Ganesan para itu occasion tey chief guest hisap thaki kena grace kurishey.
Itu event toh hoiley ekta welcome address logotey shuru hoishey. Reshimenla Longchari para itu programme laga introduction kurishey. North East Christian University laga Pro-Chancellor – Prof. Dr. Darlando Khathing para invocation prathana kurishey.
Hope Channel laga founder – Tiakala Amri para tai laga keynote address tey, tai laga gratitude express kurishey. Tai para emphasize kurishey ki, shelter toh compassion aru collective responsibility symbolize kurey.
Itu event tey kotha kuri kena, Governor – La Ganesan para itu initiative laga significance highlight kurishey. Tai para emphasize kurishey ki, itu shelter toh hoiley ekta buhiboley laga jaga ekla nahoi, hoiley itu toh step asey akha aru purpose restore kuria laga, society para chari diya manu khan nimitey.
Tai para manu khan ke, business khan aru institution khan ke active para participate kuriboley koishey, itu mission tey. Tai para janaishey ki, government ektla para bhik manga toh khotom kuriboley naparibo.
Itu programme toh hoiley ekta dedicate kuria laga prathana logotey shuru hoishey. Kuntu toh hoiley, Nagaland Mission Movement laga Secretary – Rev. Lipokinba Ao para offer kurishey. DUCCF laga President – Zasivikho Zakiesato aru Naga Women Hoho laga President – Nino Kire para khata speech khan deliver kurishey.
Ebenezer Orphanage Home laga bacha khan para “We Are the World” perform kurishey aru Dimapur Sumi Baptist Church laga Pastor – K. Benjamin para benediction pronounce kurishey.
Add Comment