Governor – La Ganesan Para Itu 6th Convocation Ceremony Grace Kurishey, NU Laga, Lumami Laga

March 22, 2024 : Governor – La Ganesan para itu 6^th convocation ceremony grace kurishey, Nagaland University, Lumami laga, 22^nd March, 2024 tey.

Itu Governor para itu Vice Chancellor aru itu University ke thanks janaishey, itu convocation ke address kuri kena, tai ke invite kuria nimitey, itu ceremony tey, 22^nd March, 2024 tey aru koishey tai toh hoiley kismat bhal asey arum on Khushi asey itu jawan students khan logotey eke buhi kena thakiboley pawa nimitey itu occasion tey.

Tai para itu Students khan laga achievement khan opor tey congratulate kurishey, tai khan laga mehnat, dedication aru passion thaka toh dikhawa nimitey, tai khan laga homoi tey, itu traits khan logotey, kuntu toh hoiley tai khan ke dangor height tey loijaishey. Tai para koishey, kunba khan toh hoiley government tey aru private sector khan tey join kuribo parey contribute kuriboley karney, moi khan laga country laga growth aru progress kuriboley karney, aru kunba khan toh country bahar tey jabo parey aru bhi puria-likha kuriboley aru agey bariboley.

Itu Governor para faculty member khan ke bhi congratulate kurishey, kun khan toh tai khan laga best dishey, quality education, knowledge, skills khan aru human value khan impart kuriboley, tai khan laga students khan karney, itu koi kena ki, tai bhi ekta student thaka nishina he feel kuri thakey, kiley maney learn kuria toh kitya bhi khotom nahoi.