Nagaland

Governor Laga Gold Medal Award Nimitey Recommendation Aru Commendation Laga Certificates

October 23, 2024
3 Views

October 23, 2024, 04:41 PM : Itu Home Department para toh hoiley applicant khan ke invite kurishey, recommendation khan, itu Governor laga Gold Medals aru Commendation Certificate khan laga award laga consideration nimitey, itu Republic Day, 2025 (26th  January, 2025) laga occasion tey, 30th November 2024 [Friday] tak naam diboley koi kena asey, itu di kena thaka guideline khan hisap tey:- 

  1. Candidate khan laga detail khan recommend lagi asey, itu Format hisap tey, Annexture-A tey di kena thaka hisap tey.
  2. Precise recommendation khan/ citation khan toh hoiley ekta page para bishi hoboley nalagey. Itu citation khan toh hoiley ekta narrative form tey thakiboley lagey A4 size paper size tey, choita copy khan citation khan laga, ekta softcopy logotey lagibo, (Ms word docx) tey.
  3. Recommendation khan/ citation Gazetted Officer khan laga respect tey, itu toh hoiley itu concerned Department laga Head aru Department laga Administrative Head ke submit kuriboley lagibo, aru itu same toh hey Special Secretary, Home Department ke agetey loi jai kena diboley lagibo.
  4. Recommendation khan/ citation, Non- Gazetted Staff laga respect tey, itu Department laga Head para sign kuribo aru itu toh Special Secretary, Home Department ke agetey loi jai kena dibo.
  5. Judi Police, Home Guards, Prisons aru Fire Service khan asey koiley, itu recommendation toh hoiley tai khan laga respective Director Generals/ Department laga Head tey para ahiboley lagibo, itu Special Secretary, Home Department ke.
  6. Recommendation khan/ Citation khan toh hoiley thik homoi tey sign kuriboley lagibo, itu recommend kuria authority para, 3 & 4 tey di kena thaka hisap tey, kuntu toh hoiley Annexture logotey duita bhi forward kuriboley lagibo hard & soft copy logotey.
  7. NGO khan, manu khan employee khan laga respect tey, kun khan toh hoiley itu Deputy Commissioner khan laga Establishment under tey kaam kuri asey, itu Deputy Commissioner khan para itu recommendation khan toh hoiley Nagaland laga Commissioner ke submit kuriboley lagibo, kun toh hoiley sign kuriboley agey didibo itu Special Secretary, Home Department ke.