PHEK, NOVEMBER 11 : Nagaland Governor Shri PB Acharya toh People’s Festival Khezhakeno 2018 cum Inauguration of Chida Resort, Khezhakeno Bosti, Phek District laga te jaise. Etubi November 2018 te Chief Guest nemite. Etu time te kotha kurikena tai etu Khezhakeno manu kan etu Ceremony manibole nemite eman dukh kurikena ahkete aha karne bhal kotha janaide thakise. Etubi Chida Lake Resort koi kena ekta Tourist Destination khola nemite Ceremony manibole dukh kuri kena ahkete aha karne. Tai bi sob ke etu nesena bhal kam kurikena ahkete aha karne besi khushi baa kotha aro salam diya janaise koise. Aro etu Chida Lake pora husa ke bi manu kan ke Tourist nemite ahe kena thaka huijabole bari koi kena janaise.
Tai bi History aro Culture kan ahkete anede kena thaka pora ami kan neju nemite bhal hobole ase koi kena janaide kena etu Young Generation kanbi Culture aro Heritage laga bhal toh yaat kurikena mon te rakhibole bari koi kena janaise. Kele etu porahi ami kan manu aro neju jaka toh ekta alak hisabte manibo laga ase aro etu porahi ami kan ke bhutani ekta kuridebole laga ase koi kena. Tai bi neju laga kotha (mother tongue) toh thik pora mon te jani kena rakhibole lagi. Kele etu porahi neju kun ase etu toh manu kan pora janibole baribo koi kena janaide thakise koise.
Nagaland Governor Acharya porabi Governor’s Meritorious Certificates toh 2 jun Outstanding Students kobi Khezhakeno bosti laga ke etu din mana time te dedese. Aro tai etu din te ahe kena bhal pora hisha kurikena thaka nemite Minister for Planning & Coordination, Land Revenue, Shri Neiba Kronu pora besi khushi baa janaide thakise. Aro etu oporte tai kebi etu minister pora alak-alak chis aro Cultural Identity toh bhal pachaide kena ahkete anedebole kura karne besi khushi baa janaide thakise koise.
Etu Programme toh Additional Secretary, Shri Kevekha Kevin Zehol pora ahkete luijaide kena manaidese. Welcome Address toh President, Khezhakeno Youth Organisation, Shri Senovielhou Koza pora janaidese. Aro etu din laga Programme kebi Cultural Performances kan toh alak-alak Troupes kan pora dekhaide kena thakise. Traditional Blessing toh Chairman, Kheshakeno Village Council pora janaide kena thakise. Aro etu din laga bhal kotha kan toh katha pora President, Tenyimia Public organization, Shri S Kepfelhous Ladu pora kuridese aro President Rengma Hoho, Shri Kenyenseng Tep pora toh Greetings kura janaidese koise.
Add Comment