Tuesday, November 25 – Bollywood ikon Dharmendra laga death pichete pura film industry te dukhiya para hoishe, aru bishi actor-actress para heartfelt tribute diya ase. Etu majote, Govinda laga message ekdom emotional thakishe, juntu te tai Dharmendra ke “ustad” koi kina describe kurishe aru nijor zindagi aru career te bishi guide kori diya manu buli janai dishe.
Govinda ekta purani photo share korishe, dhuita actor laga bhal bond dikhaishe. Tai laga message te Govinda likhishe ki Dharmendra laga jaga kunba occupy kuribo naparibo, aru tai Dharmendra ke bishi love aru respect kori thakibo buli janai dishe. Tai laga kotha para clear hoishe ki Dharmendra ke Govinda khali senior actor nohoi, kintu ekta mentor hisap te bishi bhal laga manu thakishe.
Dharmendra, juntu “Bollywoodor He-Man” buli jana jai, 89 bosor age te Mumbai te mori jaishe. Tai laga death toh Indian cinema te ekta dangor void leave kori jaishe. Sholay, Chupke Chupke, aru Anupama nishena iconic film te tai laga role aji bhi manu laga mon te thakibo.
Govinda laga tribute poora film fraternity laga sentiment reflect kori thake, juntu Dharmendra ke humble, warm aru timeless performance diya actor hisap te yaad kuri aase. Fan khan etiya bhi Dharmendra laga legacy ke yaad rakhi aase, aru Govinda nishena message khan dikhai dishe ki industry te Dharmendra laga impact bishi dangor thakishe, aru tai laga contribution kineka generations ke inspire kori ase.
Add Comment