AGENCY, OCTOBER 29 : BJP President Amit Shah pora Sunday din “Mahagathbandhan” (Grand Alliance) kan Opposition Parties kan melekena thaka toh “Dhakosla” (Deception) ase koi kena janaise. Aro etu Grand Alliance kan ke ami kan desh toh sob ulta kuride ase aro nahua kuride ase (Breaking India) koi kena janaise. Etubi Prime Minister Narendra Modi pora ahkee luijai kena thaka Sorkar pora “Making India” hisabte eman bhal te kam julai kena ahkete luijabole kurikena thaka majutte koi kena janaide thakise.
Bharatiya Janata Yuva Morch (BJYM) laga National Vonvention te kotha kurikena etu Amit Shah pora Prime Minister Narendra Modi pora eman mon de kena (focused) “Making India” manai kena ahkete anedebole kuri ase. Huilebi Grand Alliance Leaders kan pora etu toh pura biya kuridebole aro nahua kuridebole kuri ase (“Break” India) koi kena janaise.
Modi pora Poverty, Unemployment, Insecurity aro tusera kan nahua chis kan sob hataide kena bhal rasta te anedebole kuri ase. Huilebi Mahagathbandhan leaders kan Modi ke hataidebole kuri ase koi kena janaise.
Tai bi Rahul Gandhi pora PM Modi ke nahua kotha ulai thaka karne juwab de kena thakise. Etubi Modi Sorkar 4 sal julai kena thaka aro National Registrar of Citizens aro tusera chamala kan nemite kotha ulai kena thaka nemite. Etu ke tai Rahul Gandhi laga khor manu kan eman lamba pora Sorkar manai kena aha majutte ami kan desh nemite eku kuridiya nai koi kena janaide thakise koise.
Add Comment