Mumbai, 13 November : Grandmaster dujon Pravin Thipsay aru Abhijit Kunte chess khelate bohut World Championship laga clashes dekhi dise aru duni manu ekta kotha te agree ase – India laga Gukesh Dommaraju aru China laga Ding Liren laga upcoming title-deciding match pura distance tak na jabo.
Kintu duni laga opinion match ketta rounds or games tak thakibo te milena. Thipsay, juntu third Indian Grandmaster hoishe, feel kore ki Gukesh aru Ding laga World Championship Match juntu November 25 pora December 13 tak Singapore te khilibo, 12 games te hoijabo. Kunte, olop alag opinion te ase, aru ta laga hesaap te 14-game laga series round 12 te he khotom hoijabo.
Kintu duni Grandmasters ekta kotha te sure ase – Gukesh laga position etiya dangor favour te ase, rank, rating aru tremendous form te bhi bhal ase. Gukesh India ke Chess Olympiad te gold medal jeetibo te bhi help kurise, aru Ding Olympiad te negative score te khotom korise. Gukesh olop better performance dikhaise, 10 te 9.5 points complete kori gane.
Chess world te bhi etiya excitement ase upcoming World Championship Match Gukesh aru Ding Liren laga bich te juntu Singapore te November 25 pora December 13 tak hobo.
Thipsay aru Kunte laga opinion te, Gukesh eta strong candidate ase title jeetibole, karone Chinese reigning World Champion Ding laga form bhal nai jabole pora, tai 2023 te title jeetise, etiya tai form down te ase.
Kunte koi ase ki etiya Ding Liren aru COVID age laga Ding Liren same nai, etiya ta laga performance Ding 2.0 nisena hoise. Budapest te thaka Chess Olympiad te ta score bhi negative te hoishe aru ta Gukesh laga opposite khelibo avoid kuri dise, juntu ekta bisi asuri kotha hoishe,” Kunte Sports Journalist Association of Mumbai (SJAM) organise kuri thaka World Championship Match laga symposium te koishe.
Thipsay bhi koi ase ki bisi manu chess circle te feel kore ki Ding, 32 years thaka Chinese star, lucky pora title jeetishe, karone tai Candidates tournament te qualify na hoishe kintu last minute te chance paise. Candidates te bhi tai second hoishe Nepo piche te aru World Championship Match khelibo nai thakise, kintu Magnus Carlsen withdraw kora pora Ding ke chance mili jaise. Tai jeetibo nimite bisi struggle kuri tie-break tak match lobo paila, kintu ta laga recent performance bhal nai aru Olympiad te bisi convincing bhi na thaikise,” Thipsay koishe.
Ding bhi self-accept kora ase ki title jeetibo pora physical aru mental health issues laga problem faced korise aru etiya upcoming World Chess Championship Match te ta nijor ke underdog nisena dekhise Singapore te khelibo nimite. Thipsay bhi Gukesh laga strengths analyse kuri koi ase ki hoilebi tai 18 years he ase, World No. 5 laga game maturity higher ase.
Add Comment