Agencies, 06 April: Bollywood’s power couple Kareena Kapoor aro Saif Ali Khan para tai khan laga second bacha laga noksha eku share kora nai. Hoilebe actress laga baba aro veteran actor Randhir Kapoor para tai laga grandson laga noksha share korise. Instagram te Randhir para Taimur Ali Khan laga bacha noksha logote share kora thakise hoilebe tai bechae te post para delete kori deshe. Kareena aro Saif para tai khan laga second bacha toh February 2021 te welcome kora thakise.
Poila Kareena para tai laga fans ke ekta sundor natural noksha tai laga second bacha logote share kora thakise hoilebe etu bacha laga jehara toh noksha te dekha nai. Noksha te actress toh tai laga bacha ke shai kena thakise. Caption te tai para tai laga bacha ke shaa rokhabo napari koikena lekhise. Bacha laga jehara nadekhise koilebe fans khan Kareena laga bacha opor te kushi powa kotha narokhi kena lekha thakise.
Kareena Kapoor Khan aro Saif Ali Khan para tai khan laga second moda bacha ke toh February 21 te welcome kora thakise. Reports hisab te, Kareena para second bacha toh Mumbai’s Breach Candy Hospital te deliver kora thakise. Etu toh Kareena laga second bacha ase. Poila Kareena aro Saif laga first chokara Taimur Ali Khan ke toh December 20, 2016 te johom kora thakise.
Kareena toh tai laga irst book titled “Kareena Kapoor Khan’s Pregnancy Bible” te kaam kori ase aro etu book toh Ama nemite manibole complete guide hisab te ase. Book toh etu sal olabole schedule ase.
Kaam te Kareena toh Aamir Khan logote ahibole “Laal Singh Chaddha” te dekhibole ase aro etu film toh Tom Hanks-starrer Hollywood film “Forrest Gump” para inspired ase.
Add Comment