New Delhi, May 15 : The Great Indian Kapil Show te next guest Ed Sheeran hobole asey. Wednesday din te, Netflix para etu show laga ahibole thaka episode para ekta nutun teaser share kurisey, kuntu te Kapil Sharma ke Grammy-winner(Ed Sheeran) logotey masti kora dikhaisey. Indian khana laga bari te ekta desi gana kora para loikina Shah Rukh Khan ke tailaga ghor ‘Mannat’ te lok kora laga bari te kotha kuwa tak, etu episode tu moja hobole asey.
The Great Indian Kapil Show te Ed Sheeran thaka laga episode tu Saturday din te 8pm te Netflix te stream hobole asey. Ed Sheeran tu pura kala dress pindikina ahisey aro audience khan laga josh uthaidisey. Tai para ageybarikina, audience laga ageyte tailaga hit gana Shape of You kurisey hoilebi etu laga Punjabi version te.
Etu teaser te Ed para Shah Rukh Khan laga Dilwale Dulhaniya Le Jayenge laga iconic dialogue, “Bade Bade shehron mein aisi chhoti chhoti baatein hoti rehti hain” kuwa bi dikhaisey.
Kapil para Ed Sheeran ke etu bi koisey ki Ed tu umar hisap te tai para chutu asey hoilebi English te tai Ed para bi chutu asey. Sunil Grover, Kiku Sharda aro Krushna Abhishek khan ke bi etu show te masti kora dikhisey. Aro Ed para ‘paneer pakoda’, ‘barfi’ aro ‘cake’ nisna kha-luwa bustu logotey ekta desi gana kurisey.
Add Comment