India Diwali celebrate kuribole preparation kuri ase, aru etu bar bhi pollution aru “green firecracker” laga kotha uthi ase. Green firecracker ke eco-friendly koikina jana jai, kintu asol toh etu India laga environment aru health karone bisi kharap ase. Jitu “green” tag dia ase, etu ke safe kobole na poribo — karon etu bhi pollution koribo, hoilebi olop komti.
Green firecracker toh Council of Scientific and Industrial Research (CSIR) aru National Environmental Engineering Research Institute (NEERI) para banaishe. Etu laga main idea hoishe — normal firecracker para 30% kom pollution koribo. Etu sulfur dioxide, nitrogen oxide aru particulate matter olop kom release kore, kintu complete safe nohoi. Jetiya lakh-lakh cracker ekbar burn kori dibi, etu “30% less” bhi bishi hoijai, aru India laga hawa te bishi problem koribo.
Etu laga main problem hoishe — government aru manufacturer laga control komti ase. Bohut factory normal cracker ke “green” label dia ase khali business karone. Consumer bhi confused thake, kunta real green aru kunta fake, eneka differentiate koribole napare. Genuine green cracker bhi burn korile barium, aluminum, magnesium jotor toxic chemical release koribo — jitu manu ke asthma, allergy aru breathing problem hoi.
Especially Delhi nishena city te, jiman pollution already bishi ase winter time te — stubble burning, vehicle smoke aru hawa kom chola karone — cracker burn kori dile etu air completely dangerous hoi jai. Hospital te asthma aru lung problem laga case bishi hoijai Diwali time te. Noise pollution bhi ekta major problem ase — chhoto bacha, elderly manu aru animals bhi disturb hoi jai.
Problem ekta mindset te bhi ase. Bishi manu etu ke Diwali laga part hisap te dekhi jai, aru koi “cracker na phutaile Diwali nahoi.” Kintu aji laga din te celebration aru awareness duita ekte sath chuli bo lage. Light aru happiness celebrate koribole paribo nature ke destroy na kuri kina.
India te aji change kuribo lage — laser light show, drone display, aru community celebration nishena clean alternative try koribo lage. “Green firecracker” nam te pollution justify nakoribo lage— karon “green” koa para etu safe nohoi. True Diwali celebration toh light, peace aru clean air laga sath te hobo, not with smoke aru noise.
Add Comment