January 12, 2025: Friday din deh Greenland laka leader Mute Egede para tai US President elect Donald Trump lokot deh country laka future deh kotha kuri bole acha ase kui shae, hoile b jaka tho American hobo leh interest nai kui shae, New York Post para report kuri shae.
Danish prime minister Mette Frederiksen lokot deh lua ekta press conference time deh, Egede para tai Greenland aro US keh ki unite kureh, etu deh kotha kuri bole acha ase kui shae.
“Mukan kotha kuri boel ready ase. Cooperation maneh dialogue ase. Cooperation maneh, apni solution deh kam kuri bo,” tai para kui shae.
“Mukan independence taki bo mun jai. Nijor ghor laka master hobo leh mun jai. Etu tho sob manu respect kuri bole lakeh. Greenland tho Greenlandic manu kan karne ase. Mukabn Danish hobo leh mun nai. Mukan American hobo leh mun nai. Mukan Greenlandic hobo leh mun jai,” Egede para kui shae.
Add Comment