New Delhi, 20 February : Grey’s Anatomy laga fans karone dukh laga khobor: Eric Dane 53 saal te mori jaise
Grey’s Anatomy laga fans khan karone last duita decade pura emotion laga rollercoaster ase, kintu etiya kiman dukh khobor itu nisina ekdom kom. Eric Dane — juntu million manuh ke charming aru confident Dr. Mark ‘McSteamy’ Sloan hisab te jane — ALS logot loraia kori, 53 saal te mori jaise.
Eric April 2025 te nijor ALS diagnosis public kori dise, aru koise ki tai symptoms lagbhag 18 mahina aage pora shuru hoise.
San Francisco te jonmo lua Eric, 2006 te famous jaise kitia tai Grey’s Anatomy laga second season majo te cast te join korise. Juntu agey ekta episode guest role ase, itu aste aste show laga sob pora bhal paise aru sob pora tragic storyline boni jaise. Mark Sloan hisab te — flirtatious plastic surgeon aru Derek Shepherd laga best friend — Eric show laga ekta important hissa boni jaise. Tai 2006 pora 2012 te 130 pora besi episode te appear korise. Derek Shepherd laga role korise Patrick Dempsey.
Dunia bhar laga netizens khan social media te Eric Dane karone heartfelt tribute dise, aru beloved “McSteamy” laga death karone nijor dukh express korise.
Show chari diya pichete, Dane TNT laga series The Last Ship (2014–2018) te act korise, kitia tai ekta naval captain laga role korise — pandemic cure bisari thaka mission lead kora character. Pichete tai HBO laga popular series Euphoria (2019–22) te Cal Jacobs laga role korise. Nate Jacobs laga role korise Jacob Elordi.
Big screen te, Eric Dane X-Men: The Last Stand te Jamie Madrox / Multiple Man laga role korise, aru Marley & Me te Jennifer Aniston aru Owen Wilson logot screen share korise.
Eric Dane laga death Grey’s Anatomy laga fans khan aru Hollywood duita karone ekta era laga end boni jaise.
Add Comment