Gujarat: 20 Cities te rati curfew junaishe

Ahmedabad: Coronavirus cases besi othi-thaka nemite Gujarat government para 20 cities te curfew thakiboli junaishe. Curfew toh Wednesday 8 pm para 6 am samai thakibo aro etu April 30 darik dak jai thakibo. Gujarat High Court para state laga COVID-19 situation toh saikena “control nai” etu nemite curfew nahoile lockdown toh 4 din nemite thakiboli fesla loishe. Olop din akhe Gujarat cities-  Ahmedabad, Surat, Vadodara aro Rajkot te  curfew toh 9 pm para 6 am dak kori thakishe. Government para aro April 30 darik dak political aro social gatherings toh bondh korishe aro sathi ceremony samai manuh laga number toh komti kori thishe. Chief Minister Vijay Rupani para loikena core group logot meeting kora samai rati curfew hoboli laga fesla korishe. Union Home Minister Amit Shah aro principal secretary Prime Ministers Office (PMO) PK Mishra, etu rati meeting samai samil thakishe. Tai para koishe, notun curfew laga samai toh 8pm para 6 am dak thakibo. Mr Rupani para koishe ke, Centre para Gujarat te medical experts team putabo aro state government logot melikena cases othi thaka toh check koriboli koishe. Gujarat government laga tangor officials, Shah aro PMO officials khan pithor te besi thiri meeting korishe, etu samai HC bench, Chief Justice Vikram Nath para bemari situation toh control koriboli naparina ase koishe. Curfew thakiboli cities toh- Ahmedabad, Surat, Vadodara, Rajkot, Jamangar, Bhavnagar, Junagadh, Gandhinagar, Anand, Nadiad, Mehasana, Morbi, Dahod, Patan, Godhra, Bhuj, Gandhidham, Bharuch, Surendranagar aro Amreli. Gujarat te, 24 gonda pithor te 3,280 notun coronavirus positive cases paishe, etu melaikena state te bemari cases toh 3,24,878 hoikena ase aro etu samai 17 manuh mora te sob melaikena 4,598 morikena ase, etu khobor toh state health department laga hesab te janaishe.