Gujarat Anand district accident te 10 jun morishe

Anand: Wednesday pujur Gujarat, Anand district, Indranaj bosti osor te car aro truck opposite rastha te lak-laki hoikena 10 jun manuh morishe, koikena khobor para janaishe. Etu accident toh Anand district para Ahmedabad district Vataman, state highway Tarapur logot connect kora ratha te hoishe, koikena Tarapur police station official para janaishe. “etu car te 10 jun manuh pithor bacah ek jun be samil hoikena jai thaka samai speeding truck para ahikena marishe. Etu gari te 10 jun manuh sob toh jaga te morishe,” tai para khobor toh janaishe. Gari toh Vataman jaga jai thakishe aro truck toh opposite ratha para ahi-thakishe koishe. Etu samai gari para mora bodies toh olaboli kori thakishe aro mora manuh khan ke janiboli khobor kori thakishe, koikena officials para aro koishe.